الكاتب الذكي خفيف الظل السيد عزت القمحاوي...اسمح لي أقولك إنها حلوة أوي وملعوبة أوي حتة "المرتبات الشيوعية" في مقابل "الأسواق الرأسمالية الشرسة" دي...اللي يفقع بقى أكتر إنه بعد ما يعرّوا الدستور يا ولداه من كل ما هو اشتراكي قلبا و قالبا (عشان الياغمة والفتة اللي باللحمة تبقى دستوري يعني) , يقولك إيه مواطنة وحاجات ...طب مواطنة ازاي يعني وأنا جعانة؟ أيوة يعني ولا عشان ما كلنا جعانين -مسلمين ومسيحيين- يبقى كدة فيه مساواة والحياة بقت فللي والوحدة الوطنية تزدهر, ما هو فزاعة الإخوان بعدت, أيوة أيوة احنا جعانين وعريانين وحافيين بس على الأقل مش تحت حكم ثيوقراطي !!!...حد والنبي يفهمهم بس يا جماعة الله لا يسيئكو إن المواطنة مش بس سياسية لا دي كمان اقتصادية و ثقافية ... حد يلفت نظرهم إنهم فاهمين المواطنة و الرأسمالية غلط والله...ويسلم فمك يا سيد عزت ويسلم كمان عمودك الموجع والمثير للتبسم في آن "بكل أدب" في أخبار الأدب...إليك تحيات معجبة...