الي كل السادة المتشنجين الاسلاموين ما رأيكم في هذا الرابط وتهريب الاسلحة المصرية الي اسرائيل الا يمثل هذا ايضا خرق ولكن طبعا من درجة اقل واعتقد ان مصر استغلت ايضا حدث الجنود في رجوع المتسللين ولا مش فاكرينهم. http://news.bbc.co.uk/hi/arabic/news/newsid_3177000/3177615.stm وبعدين ان لم اذكر ابدا انتصار اسرائيل علي حزب الله فكلاهما خاسران. ولكن انا اطلب منكم هل انتم ترغبوا ان تعيش مصر ظروف مماثلة للبنان ان نقوم بالشحاتة من مجلس الامن والدول المانحة. ان ترفع الجماهير اعلام حزب الله فرحة مهللة بعد عمليته الغبية وبعد بضع ساعات نفس الجماهير ترفع الاعلام البيضاء المشينة. ثانيا ماذا ترغبون هل ترغبون في التقدم ام التخلف.. هل عندما نلغي اتفاقية السلام مع اسرائيل ستتحسن المواصلات مثلا هل عندما نلغي الاتفاقية ستصل المياه النظيفة الي كل بيت في مصر هل ستنحل ازمة الاسكان هل سيحدث رخاء اقتصادي ؟؟ هل ستتوقف حوادث القطارات او العبارات.. رجاء انا اطالب حركة كفاية انه كفاية استهبال وياريت تركزوا علي قضايا البلد وكفانا اهتمام بما لا ينفع ويفيد العباد. خدوا كمان رابط علشان تعرفوا مدي التخلف اللي احنا فيه في بحث قامت به جامعة صينية وكمان مرة علشان الحبايب صينية يعني لاهي امريكية ولا غربية للبحث عن افضل 500 جامعة علي مستوي العالم http://ed.sjtu.edu.cn/rank/2003/2003main.htm http://ec.europa.eu/research/headlines/news/article_03_12_31_en.html والروابط موجودة اهي كانت هناك 6 جامعات اسرائيلية تدخل في هذا التقرير و لكن علي الرغم من امجاد يا عرب امجاد لم تذكر اي جامعة مصرية في هذا التقرير. ايه العظمة دي يا رجالة ... كل اللي انا عاوزه اننا يا ريت نبطل نتكلم في كلام فاضي ما لهوش لازمة ويا ريت نحاول نعمر البلد بدل ما نخربها وتبقي خرابة كبيرة..

قال رسؤال الله (ص)اذا دخلتو مصر فاخذو منها جندى فان خير جنود على ارض مصر صدق رسول الله (ص) وقال نابليون لو املك سلاح روسى وجندى مصرى وتفكير يابانى لغزوة العالم كله انا مش عايزكو تقلقواحنا جيشنا كبير وعريق ومستعد لى اى حرب واحنا لو حربنا اسرائيل هانقطعها وهانفشـ*ـها وياريت نحاربها علشان نسبت للدنيا كلها ان مصر هيا الاوله فى القمه وان مصر والشعب المصرى اللى بيحارب الاحتلال من زماااااااااااااان قوى من ايام الهكسوس واحب اعرفكو ان شعب مصر صامد وجامد وجيشنا اقوى جيش بس المشكله مش فينا احنا المشكله فى الكبار اللى بيطاطو دماغهم لى امريكا وفى الاخر بيقوله دى سياسه هههههههه والمكتوب على الجبين هاتشوفه العين

ثقافة انتحار ايه ياأستاذ ايهاب.. للدرجة دى اسرائيل عامل لك رعب ما تتحدث عنه ياسيدى هو بعينه ثقافة الإنبطاح على رأى استاذنا/ فهمى هويدى .. اسرائيل هذه التى ترعبك وترعب امثالك ارعبتها من قبل جسارة المقاتل المصرى فى حرب 73 ,والآن ارعبتها صواريخ وبسالة رجال حزب الله.. إسرائبل تردعها قوة الإيمان والتخطيط الجيد وروح المقاومة.. حاول تغيير نظرتك .. ليس صعب ان نقاتل اسرائيل وننتصر عليها .. لنا حقوق لا بد ان نستردها ولا نريد من اسرائيل غير حقوقنا سواء فى فلسطين أو لبنان أو سوريا .. لنا حقوق عادله لا بد ان تعود.. اتعملت معها اتفاقيات ومفاوضات وعلاقات وتبادل سفراء ما هى النتيجه فكما تشاهد الآن لا شئ من الحقوق رجعت. شاهد فلسطين وما يحدث هناك بسبب اسرائيل شاهدت طبعا ما حدث ويحدث فى لبنان ومع سوريا .. هتقولى سيناء رجعت .. سينا رجعت :ولن ادخل فى تفاصيل سيطرتنا العسكريه على كامل ترابها لكنهارجعت أولا بالقوة ثم بالتفاوض الذى جاء بإتفاقية واضح تماما انها اتفاقية مشروطة بتقييد وتحييد الدور المصرى وحصره فقط فى عمليات الوساطه أو فى بعص الأوقات السمسرة وتسهيل مصالح أمريكا وإسرائيل فى المنطقة.. اتفاقية كامب ديفيد غيرت إسم بلدنا (الجمهورية العربية المتحدة)ونشيدنا الوطنى (والله زمان ياسلاحى) وحاولت تغيير العلم ,هل تعلم ما معنى ذلك؟ فى النهاية أقول .. اسرائيل لم ولن تحترم أى اتفاقية .. إسرائيل تناور من أجل مصالحها فقط ولن تمنعها أى اتفاقية من تهديد أو زعزعة إستقرار أى بلد عربى بلا إستثناء .. والذى قتل الأنبياء هوأيضا قادر على قتل غير الأنبياء.إنها الإرهاب بالصوت والصورة

انت يا أخ ياللى متمسك بالأتفاقية أوى هما الجنود اللى بيتقتلوا على الحدود دول بدم بارد هما دول مصريين ولا هنود وتقولى اسرائيل ملتزمة بالأتفاقية ولا أنت متخيل ان الى حايش عنك أسرائيل هى الأتفاقية أنت مش من هنا ولا ايه الى حايش عنك اسرائيل انك بتبوس ايد امريكا وبتسمع كلامها وان مصر دورها لسة ماجاش فى اجندة اسرائيل دى حسابات محسوبة جيدا ياأستاذ حسابات أسرائيل الكبرى وكله بالدور والنظام مش بالأتفاقية وعلى ما أظن لو كان ليك أخ جندى غلبان تجنيده جه على الحدود وقتله الصهاينة بدون سبب وبدم بارد ماكنتش قولت كدة كله بالدور والنظام ياأخ مش بالأتفاقيات فوقواا بقى وبطلوا سلبية وعلى فكرة دورنا قرب أوى أوى

الجنود المصريين الي ماتوا علي حدود دول مش خرق للاتفاقية السلام يا استاذ ايهاب وبعدين حضرتك هات موقف رجولي واحد لمصر اقصد لحكومتك وقفت فيه امام امريكا او اسرائيل موقف واحد يخلي اسرائيل تحتاج تضربك يابيه اسرائيل ركبانا ومدلله رجليها زي مابيقولوا مين قال ليه او لامريكا لا الناس بتموت علي حدود مقرتش عنهم وايه كان رد فعل حضرتك وحكومة بلادك قولت لا امتي فكرني كده اخر مرة قولنا لا ده انا اتحداك يوم مسحبنا السفير من اسرائيل كان بمباركة امريكا وبرضا اسرائيل ... وبعدين تعالي هنا حضرتك بتتكلم علي جزب الله والحرب وانهم منتصروش عشان هدوا كام كوبي وكام بيت طيب اساس الحرب كان ايه مش الجنود الي اتخطفوا طب هما رجعوا ولا لا رجعوا ولا لا عاوز ترد كده وتقولي مين الي كلامه مشي في الاخر ... اسرائيل لو كانت منتصره او فيه امل انها تاخد حاجة مكنتش سمعت لكلام مجلس امن ولا كلام اي حد بس هما لاقوا نفسهم خسرانين (راعي فرق القوي بين الاتنين ) واقرا كده وشوف اخبارهم ايه اقالات للجنرلاات بتوعهم وتحقيقات ومن الاخر ماخدوش العساكر بيتوعهم ولسة في نصر الله ... وبعدين الغاء الاتفاقية مش معناه اعلان حرب انا بقول نعمل اتفقاية تناسب وضعنا ومتحطش قيود علين ولا حنا فرحانين اساسا بالقيود اهي برده شماعة نعلق عليها سلبياتنا وتراجع دورنا .... اقسم لك اسارئيل مش قلقانة من مصر خالص وده مش عشان هما اقوي مننا لكن عشان بالبلدي كده راكبة ومدلله رجليها .... هاتلي حضرتك اتفاقية الاخوة اليهود بتوع اسرائيل عملوا بيها في الدنيا او قرار مجلس امن مشوه ومكنش في مصلحتهم ... مستني منك رد .

طبعا مش بنقول نلغى معاهدة السلام وكمان مش بنقول نحط فى بطننا بطيخه صيفى ونطمن ونقول ده كلام رجالة وصعب اسرائيل تضربنا على قفانا وطز فى ميت اتفاقية سلام 00 اسرائيل ليس لها كلمة ولها استراتيجية قصيرة وطويلة الأمد وقد تعمل اتفاقية علشان هدق معين وعندما يحين الوقت تخلع وهتلاقى مليون حجه وأمريكا هتبصم بالعشرة .. كونوا واقعيين ويجب ان نستعد سواء فيه اتفاقيه او مفيش

يجب علي كل مصري عاقل ان يبداء في رسم مستقبله ولا نترك مستقبلنا في ايدي اجدادنا وليس ابائنا هذه حقيقة فمن يتحكم الان في مستقبل الوطن هم بمثابة الوطن وعلي السادة المفلسين فكرين الرغبين في الاكل والشرب فقط ومتخيلين ان ما نحن فيه هذا هو سلام وان احنا كده 100 فل وعشرة يبقوا مش فاهمين حاجة يا استاذة احنا نستحق اكتر من كده بكتير وبعدين لازم تعرف ان اتفاقية كامب ديفيد كان ليه ظروفها ووقتها التاريخي المنتهي ... انا مش بقول نلغيها بس بقول نعمل واحخدة جديدة غير الي مكتفانا دي وعموما اسارئيل مش محتاجة مننا اتفاقية سلام اه لتكونوا فاكرين انها يعني هاتلتزم بيها ولا حاجة ووالله اسرائيل لو اخدت ضوء اخضر بكرة الصبح من امريكا انها تضرب مصر هاتضرب وللعلم هما مش خايفين من الحكومة لاسمح الله هما خايفيين من الشعب او مستنيين لما يظبطوا السودان ويخلصوا علي صومال ويبقي كده هما ظبطونا من جميع الاتجاهات وديته ايه شوية غجر من بتوع اقباط المهجر يقولوا فتنة وتلاقيهم داخلين عليك اتحداكم انك لو سالت اي واحد اعمي مش هاهايقولكوا علي سيناريوا غير كده لكن عموما اسرائيل مش فارقة معاها اتفاقيات وكامب ديفيد دي حجة احنا بنستخدمه عشان نقول للعرب معلش منقدرش متفقين واحنا لازم نكون رجالة في اتفقيتنا لكن مش مهم نطلع رجالة مع اخوتنا لو واحد مات اه الله يرحمه اغنيتين علي كام صورة علي مظاهرة عشان تلفزيون يصور ويتنههي الموضوع .... قبل متفكر في سلام مع اسرائيل لازم كل مصري يخرج من سلبيته وحاله التراخي دي ويبقي مقتنع من جواه ان احنا نقدر نضرب اسرائيل ونحاربها ساعتها هتلاقي اسرائيل بتجري علي السلام عموما انا شايف ان اسرائيل مش محتاجة اساسا للاتفاقيه دي عشان مش هدي دي الي مطناها ولا مخليها خلاص يعني مش قلقانه مننا مش كده ولا ايه .

ما هذا التفكير الغير سوي الذي تطرحونه؟؟ معاهدة السلام هي ما سمحت لمصر بان تشم نفسها علي حد تعبير الناس. فلولاها لكنا متأخرين بالسنين انا لا اعني اننا الان دولة متقدمة ولكن الغاء اتفاقية السلام من شأنه ان تصبح مصر مرتعا لقوات الاحتلال الاسرائيلية مثل فلسطين بالضبط فهل هذا ما تريدونه لمصرنا. والرجاء ارحمونا من الانتمائات العروبوية والاسلاموية التي ترهق هذا البلد منذ انشاء جامعة الدول المهلبية - ارجو منكم ان تناقشوا الغاء جامعة الدول المهلبية التي مقرها القاهرة والتي لا نفع من وجودها اطلاقا. وادعو كل مصري غيور علي مصلحة هذا الوطن الكف عن التفكير بما يحدث في فلسطين والعراق والشيشان وافغانستان والتفكير في هذه الخرابة التي تعيشون فيها اولا وبعدين توجهوا بالتفكير الي تلك البلاد.