Democracy Now will support strongly this demonstration as part of our activities toward democracy, freedom, and justice. to achieve the Egyptians gaols and oblige the corrupter Mubarak and his sun to resign peacefully otherwise by forc and to presente hall the corrupter regime to justce Regards Democracy Now Democracy, freedom and justice

ما تقومون به هو من باب السذاجة السياسية وحرب طواحن الهواء وافراغ الحماس فى الهواء بعشوائية

الزملاء الأعزاء الأخ كريم الشيخ... أحنا بقالنا 25 سنة بنسمع- وعارفينه- الحداية زي مانت عارف ما بترميش كتاكيت!

أحنا عاوزين نقول للناس "ماتصدقوش الكلام ده" مش ده كلام سمعناه قبل كده مليون مرة
عاوزين نقول الناس "لو عاوزين بلدنا ترجع لنا... لازم نبطل فرجه ونشتغل"
الزميل مجهول (ماذا بعد الاعتصامات) أنا متفق على أن الاعتصام والمظاهرة أدوات وليست أهداف في حد ذاتها...وسؤالك لازم نفكر فيه كلنا

فيه ورقه على السايت بقلم كمال خليل
(http://www.harakamasria.org/node/7787)
حول أهمية تكوين فروع لكفاية في الأحياء والمحافظات... تتكلم وتتناقش وتناضل مع الناس حول قضاياهم
وممكن يبقى فيه اجابات اخرى أو مكملة
بالتأكيد سنتناقش في الكلام ده كله في الاعتصام- ياريت نشوفك
وبعدين يا جماعة بلاش نستخدم "مجهول" ده... دخلوا اسم حركي عشان تتعرفوا بيه وائل خليل

بعد الاعتصام .. كله يروح ينام !! الزملاء والاصدقاء : بصرف النظر عن الحدث اللى بتدعيله كفاية دلوقتى نفسى اقول حاجة .. احنا هنعمل الاعتصام ده علشان الفضائيات تصوره ويبقى حاجة فى مواجهة بتاع الحزب الوطنى ، نتفق الاول لو كان الهدف يبقى قشطة ، اهو الواحد يكون عارف انه رايح " شو " ، وانا مش ضد ده بنسبة معينة ، ولكن كنت بودى ان اشير الى ان كان فى احداث خقيقة بتمس الشعب المصرى وكانت ملحة جدا خلال الفترة اللى فاتت مثل حوادث القطارات المتكررة ، زنقة المصريين فى المدارس ورمضان وشوية مصايب ، وزى ما بنحضر للشغل اللى هياخد "شو" ياريت نفكر فى طرق جديدة تتناسب مع المصايب اللى بتتحدف علينا والا هو النضال يا اصدقائى بعنى مظاهرة وهتافين وكله يروح ينام ، بصراحة الايقاع ده اصبح لا يحتمل ، معقولة مش قادرين نبتدع طرق ننزل بيها للناس اللى بيطلع عينيها بجد ، ادعو كل الزملاء ان يكون هناك طريقة للحوار على نظام شغل جديد ، وكفاية يل اهل كفاية ! ومع ذكل انا جاية الاعتصاد اصل اللى فيه داء عمره ميبطله رشا عزب

وماذا بعد المظاهرات والاعتصمات ؟؟؟؟؟؟

عظيم أن نقف في الوقت الذي يقوم الحزب الحاكم بمؤتمره السنوي ولكن عندي تعقيب لماذا لا نسمع ما سيقوله ونرى ما سيفعله أم اننا في الهايفة نتصدر ونترك المصاعب فكم مات في الشهور الماضية من بني ادمين ونحن لا نملك سوى الإعتصام لابد من فعل معين انا لست عضوا في الحركة ولا عضوا في الحزب انا محرر صفي الدستور وكلمتي كلمة حق لكل مصري لابد أن نفعل قبل ان نتكلم

الاعتصام قائم كان في سء تفاهم بس الحمدلله اتحل امبارح بالليل والدكتور يحيى كان حاضر الاجتماع التحضيري النهارده والحمدلله الامور ماشيه كويس

جاتلى رسائل من على مرسال بتقول التظاهرة اتلغت والكلام ده على لسان الدكتور القزاز بس الرسالة دى بتاريخ الجمعة أيه الحكاية أنا جاى حتى لوفى أيه منين جاى مين مش جاى دى فرصتنا إن شاء الله لازم نستغلها وحد صفك كتفى فى كتفك

لازم يكون لينا مطلب نصر عليه ويكون سهل تستطيع الحكومة تحقيقه وليكن الإفراج عن منسق الحركة فى العريش ده بجانب معارضتنا للحزب الوطنى ومشروعات التعديل اللى عاوزين يمرروها لو مطلبنا أصرنا عليه وتحقق هيعطينا دافع وهيزود شعبيتنا فى الشارع وكمان يفهم الناس أد أيه أحنا مؤثرين عاوزين نستخدم اللاعق والأطباق والصفارات علشان نطلع عليهم عفاريت ميدان التحرير تعفرت بتوع الأمن مش عاوزين إحتكاك بالأمن علشان مايدخلش والناس تخاف تنضم لينا كمان عاوزين شعارتنا تبقى موحدة وبسيطة ربنا معانا ويعيننا ان شاء الله

معلش العنوان أية أنا فاكر ساعة تبرعات لبنان كان بجانب جراند أوتيل وسط البلا صح كده ولا أيه

يازملا هناك اجتماع اليوم الساعة 6 بمقر كفاية لتحضير الوقفة والاعتصام
د. يحي القزاز حا يبقى موجود وانا حابقى موجود
من لديه أفكار ويريد المشاركة في التحضير فليكن موجودا
من لا يستطيع الحضور اليوم فلنستخدم هذه المساحة لعرض وتبادل الأفكار
http://www.harakamasria.org/node/7722
أراكم اليوم
وائل خليل

حزب أيه و إصلاح أيه ما هو اللى بوظ كل حاجه لو عايز يصلح يرحل إنما مين ده اللى يرحل و يسيبوا العزبة بالبهايم اللى فيها لمين و اللبن الطازة لآخر شفطة, مين ده اللى يرحل البيه الكبير ولا المدام و لا البيه الصغنن هيلاقوا فين بهايم زينا يسحبوهم و يحلبوهم ده أحنا زباين لقطة دول قاعدين على قلبنا رضيتم ولا ما رضتوش أنا مبيئسكوش لكن ما فيش فايدة دول عاملين زى الكلب اللى مسك عضمة مش هيسبها إلا لما يهبر فينا و يسيح دمنا و أنا معاكم بقلبى و لازم تعملوا اللى تقدروا عليه يحسوا أن فيه ناس عايزه تخرج من الزريبة

أرجو من الزملا المساهمة في انجاح اليوم...
...
أولا هذه ليست مظاهرة... انها فرصة للحديث مع رجل الشارع عن خطط النظام للتوريث والاستبداد...
فرصة لسماع وجهات نظر الناس والتفاعل معها...
فرصة لضم شباب ووجوه جديدة للحركة...
...
نحن لا نملك وسائل اعلام مثل السلطة...
لا نملك لوح اعلانات في الميادين الرئيسية تتحدث عم الفكر الجديد وغيره...
لا نملك إلا أجسادنا ووقتنا وجهدنا... ...
لنسخرها في تلك ال24 ساعة للحديث لأكبر قدر من البشر...
...
ربما تكون هذه فكرة تضاف لصياغة الدعوة يا مالك...
وائل خليل

يا بتوع كفاية ويا كل الخايفين بجد على مستقبل البلد الحزين ده اعملوا شئ عملي المظاهرات والاعتصامات ماشي ومفيده بس لازم حاجة تانيه عمليه وفعالة مثلا ليه متجمعوش المعارضة كلها وتعملوا مجلس بينكم يختار رئيس مقبول من الناس بدل الغلام اياه زي معملوا اليمنيين واختاروا مرشح واحد بيهدد علي عبدالله بجد

ايه الأستخفاف بعقول الآخرين ده ... قمة الجهل أنك تطالب باعتصام على حاجة لسه ما شفتش نتايجها اعتصام ايه من غير ما تنظر للأوراق اللي نقدمها الحزب من تتعديلات دستورية متعددة .. يا راجل بطلوا خداع للمواطنين ... تعرف ايه انت عن مؤتمر الحزب علشان تعترض عليه ... لو فيه حكمة و أحترام لعقلية الآخرين كنتم أنتظرتم لرؤية ما يخرج بيه المؤتمر... و بعد كده اعتصم و لا تظاهر و لا ولع في نفسك ... بس تكون بعتمل كده لسبب معين .. بطلوا خداع للبشر بقى و (كفاية ) خيانة للوطن اللي عايشين فيه .

بصراحة كدة ومن الاخر تفتكرو ان هو ده الحل للبلاوى اللى فى مصر ؟؟ ان الله لا يغير ما بقوم حتى يغيروا ما بانفسهم - مش كدة ولا ايه ؟ لو فكرنا نلاقى اننا نستاهل اكتر من كدة كمان وبعدين لو حسبناها نلاقى ان الحزب ده مننا مش من برة مش غريب عن شعبنا ده جزء منه - يعنى المشكلة فى الشعب مش فى الحكومة - انتو فاكرين ان الحكومة مستنية الاعتصام ده عشان تعرف ان الدنيا زفت ؟ ماهى عارفة والناس اتعودت انها تصقف - عايزين ايه بقى ؟ وزى ابراهيم عيسى ما قال شوية معيز حاكمهم خروف - تفتكرو لو احنا مش معيز هيحكمنا خروف برضه ؟ صعبة قوى

مش نستنى لما يقولوا حاجة نتظاهر علشنها بدل ميطلع مؤتمر ** و يبقى شكلنا أهبل

ازيك يا وائل بص إزاي تعمل مظاهرة – مسيرة – وقفة احتجاجية ناجحة : اللينك: http://forum.harakamasria.org/showthread.php?t=3857

يا زملا بغض النظر عن صيغة الدعوة - والتي أرى انه يمكن تحسينها- المهم ان نستعد لهذا اليوم جيدا اجابات واضحة وورق عن لماذا نعتصم طرق لجمع العناوين ووسائل الاتصال اجابات حول ماذا يمكن ان نفعل سويا فعاليات لشغل اليوم (الليلة)- محاضرات- أفلام !!! - غناء - الخ كيف نستعد لتعامل الأمن وأخيرا كيف ينجح هذا الاعتصام (ماذا يعني النجاح في رأينا... هل عدد المشاركين- العناونين التي تم جمعها... الخ) بعض الأفكار للمناقشة وائل خليل

انا جاى ان شاء الله بس عندى اقتراح كل واحد يجيب طبق صاج ومعلقة علشان صوتنا هيضيع هنعمل اعتصام بالطرق على الأوانى مثل أوكرانيا أيه رايكم

أتمنى حضور الاعتصام لو أنه تم التأكيد على انعقاده وعدم رفض الامن لوجوده لتامين مؤتمر الحزب ايضا اتشكك في حضور احد للاعتصام واقتصاره على عدد قليل من الناشطين الحقيقيين وليس الحنجوريين لا يتجاوزوا مائة فلو اكدتوا لي انكم هتزيدو عن الالف بس هاحضر غير كده يفتح الله بلا اعتصام بلا دياولو

يا جماعة لازم نحشد للإعتصام ده والإعتصام لازم يكون لمدة لا تقل عن 24 ساعة فى الميدان ياريت كل واحد يقول لكل اللى يعرفهم دى يمكن آخر فرصة نعمل حاجة قبل المصيبة الكبيرة اللى جايه لنا اللى اسمها ولى العهد

أولا صيغة الدكتور يحيى كانت صيغة فردية قبل تبني الحركة للإعتصام ثانيا الصيغه هنا هي الصيغه التي تم ارسال بها الدعوه لكل النشطاء وهي كافيه فهي تعبر عن الحدث وسببه عامة الصيغة مفتوح تعديلها لكل من يرغب في تطوير الدعوه او اعادة صياغتها من جديد لا نمانع في ذلك ويرجى اي ناشط قام بعمل بانر او لوجو ان يضع رابط له وشكرا

يا ريت فعلا يتم تغيير الصيغة ... الصيغة هنا باهته جدا او الالتزام بصيغة د يحيى القزاز

الأخوة الأصدقاء أنى أرى أنه من الواجب كما تفعلون يجب الأستمرار فى الأضرابات والأعتصامات حتى يتيسر اشراك عددا كبيرا من المواطنين وخاصة الطلبة والعمال النظام الحاكم لن يقدم على التنازل الا تحت تأثير الأضرابات الشاملة والتى يجب ان تقام فى جميع أنحاء الوطن

اعتصام علشان بيعملوا مؤتمر , ايه السبب الفاكس ده طب قول اعتصام علشان تهميش دور المعارضة فى المؤتمر ماتحسسش اللى بيقره ان كفاية حركة مظاهرات عمال على بطال