بحبك يا سياده الرئيس محمد حسنى مبارك فعلا قليله رجالك فعلى بركه الله سير وحنا معاك (اسوانى)

ياشعبي حبيبي ياروحي يابيبي ياحاطك في جيبي يابن الحلال ياشعبي ياشاطر ياجابر خواطر ياساكن مقابر وصابر وعال ياواكل سمومك يابايع هدومك ياحامل همومك وشايل جبال ياشعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ واخر انسطال احبك مكبر دماغك مخدر ممشي امورك كده باتكال واحب اللي ينصب واحب اللي يكدب واحب اللي ينهب ويسرق تلال واحب اللي شايف وعارف وخايف وبالع لسانه وكاتم ماقال واحب اللي قافل عيونه المغفل واحب البهايم واحب البغال واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محال واحبك تسافر وتبعد تهاجر وتبعت فلوسك دولار او ريال واحبك تطبل تهلل تهبل عشان مطش كوره وفيلم ومقال واحبك تأيد تعضض تمجد توافق تنافق وتلحس نعال تحضر نشادر تجمع كوادر تلمع تقمع تظبط مجال لكن لو تفكر تخطط تقرر تشغلي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز تطور وتعمللي روحك مفرد رجال ساعتها حجيبك لايمكن اسيبك وراح تبقى عبره وتصبح مثال حبهدل جنابك وأذل اللي جابك وحيكون عذابك ده فوق الاحتمال وامرمط سعادتك واهزأ سيادتك واخلي كرامتك في حالة هزال وتلبس قضيه وتصبح رزيه وباقي حياتك تعيش في انعزال حتقبل ححبك حترفض حلبك حتطلع حتنزل حجيبلك جمال

FEH FAEDA IN THE NAME OF THE GOD DON`T GIVE UP,,,,ALSO TO KEFAEA.thanks 4 every thing but please b more organized than this i did`nt even know of ( elmozahra)till 2day,,and also please solve ur inside problem you r our last hope to keep saying FEH FAEDA

ايه يا جماعة انا عايز اعرف ازاي ممكن نشارك في المظاهرة ياتري في تحضير يا تري في شغل في لافتات عايزة تتكتب في اي فعاليات لتنظيم المظاهرة ولا هي مظاهرة تيك اواي ايه الاخبار

http://shbabelmansoura.blogspot.com

حد يقولى إزاى واحد على المعاش (الميكر) عايش فى بيته مع ابنه اللى مش لاقى شغل، يزود دخله إزاى علشان يواجه غلاء الاسعار؟؟؟؟ طب يعمل إيه الراجل العجوز اللى كان بيشتغل حر زمان، وكان عايش كويس على مدخراته قبل أريع سنين فاتوا، ودلوفتى بيسحب من اصل مبلغ مدخراته علشان يعرف يعيش، هايعمل إيه بعد تلات أو أربع سنين جايين؟؟؟ تفتكروا الناس دى تشترى حاسب بالتقسيط علشان تحل مشاكلها؟؟

يالا بينا يالا نغير بايدينا يالا نقول للظلم لا وللقهر كفاية وللظالم ارحل مش عايزينك يالا نلف مصر كلها ونقول كلمتنا نعبر عن خنقتنا ونقولهم مش حنسيبكم تسرقونا بسهولة لابد من الحساب ويليه اشد العقاب يالا بينا

وهى هلت بشاير بناير..فى المحله و من العنابر

كل ما تهل البشاير ايها الناس في الثامن عشر من يناير عام 1977 خرجت جماهير الشعب المصري بعفوية ضد مهازل النظام الفاسد الجاسم على أنفاسها يومها خرج علينا رئيس الجمهورية السابق واطلق على انتفاضة الجياع في مصر لفظ حرامية على الانتفاضة وعلى فقراء وجياع شعبه بعد أيام تهل علينا الذكرى الثلاثين لهذه الانتفاضة، علينا رد الاعتبار لهذا الشعب ولخروجة المقدس ورد الاعتبار لشهداء يومي الإنتفاضة في القاهرة والإسكندرية الذي تجاوز الألفين من المصريين الفقراء htt://intfada.blogspot.com

بسم الله الرحمن الرحيم نداء إلى من يهمه الأمر بلطة الجزار لايذبحها قطر الندى ................لا مناص....... آن لى الآن أن أسكب الحبر وأن أكتب شعرى بالرصاص. أحمد مطر بهذه الكلمات أبدأ كلامى الذى لن ينـتهى ..... إلى أولئك الذين يتناحرون هنا وهناك ........و الشعب المصرى المسكين الغلبان قابع خلف السجون سجون الخوف أحيانا.......وسجون القمع أحيانا أخرى اكتب إلى كل القوى السياسية الشريفة إلى المثقفين والمحللين الذين ينتمون إلى هذا البلد المطحون تحت ظل القهر و الذل و الظلم والطوارئ ........أقول لكم بكل صراحة :لقد بلغ منا الصبر نهايته....... وآن الأوان أن تتحرك هذه الامة أكتب إليكم وأنا إبن جيل الطوارئ ..........وأنا من عامة الشعب المطحون تحت الفقر و المرض .............وأنا من الذين يركبون هذه الآلة التى يقال عنها أتوبيس نقل عام ...........وأنا من الذين يقفون فىطابورطويل من أجل أن يحضر وجبته الأساسية...............وأنا منمن الذين يشربون هذه المياه المليئه بالأمراض وأقول لكم أننا قد سئمنا كلامكم وأحاديثكم وإجتماعكم وتحليلكم وإختلافكم ثم تفرقكم إلى غير إتفاق..........! متىستجتمعون مره وتتفقون ؟ ! .. ياساده الشعب سأم هذا الحاكم ومن معه من مدّاحين وردّاحين وحرس شرف إلى آخر أولئك الذين باعوا وطنهم من أجل رضاه الشعب سأم خطب سيادته عن الحريه مره وعن المواطنة مرة أخرى ولم نرى لها ممارسة طوال حكمه 0 الشعب سأم كلامه عن برنامجه الإنتخابى صنيعة ترزية حكمه المهلهل فها هو يقول أنه سيعدل 34 مادةمن الدستور ونعرف ونعى جيدا أن هذه التعديلات ليست ذات فائدة تذكر – وهذا أقل مايقال عنها- بل إننىأقول أن هذه التعديلات ليست فى صالح أحد فى هذا الوطن إلا هذا النظام الفاسد الفاقد للشرعية بل وستجلب الخراب على هذا الوطن من كل إتجاه . فهناك من المواد التى سوف يتم تعديلها تستهدف الزيادة فى كبت الحريات وأخرى تستهدف القضاءعلى القوى المحترمة فى هذا البلد كالسادة القضـاه والإخوان المسلمين وثالثة لتمرير ملف التوريث بشكل يحفظ لهذا النظام ماء وجهه على المستوى الدولى فقط ............... وكأننانحن أبناء هذا الوطن آخرشئ يعمل له أولئك الفاسدون حساب أليست هذه البلد بلدنا ألم نولد ونتربى فيها كما هم ولدوا وتربوا فيها ؟! ألم نشرب من نيلها الذىلوثوه كما شربوا أليست حضارتها ملكنا كما هى ملكهم أليست خيراتها من حقنا كما هى من حقهم..................... لقد فقد هذا النظام شرعيته ولاجدال فىذلك . لقد آن الأوان أن يلقى به فىمزبلة التاريخ غير مأسوف عليه لقد آن الأوان أن نتحرك ................بإسمى واسم معظم المصريين وقلوبهم نقول لكم ننتتظر توجيهاتكم يا أشراف ونخبة وصفوة هذا البلد . وإلا سنتحرك دون نظام وساعتها سيكون الانفجار الذىلايعلم عاقبته إلا الله

نعم هي انتفاضة الفقراء انتفاضة الجعانين انتفاضة الغلابة انتفاضة المحرومين فلنجعلها انتفاضة ياريت لو كل واحد جاي المظاهرة يجيب معاه رغيف عيش ويجيب طبق المونية او حلة ومعلقة لان ده حيلفت نظر الناس لينا عايزين مظاهر وهتافات تهم الناس البسطاء والغلابة بس كان نفسي المظاهرة دي لو كانت في العتبة مش مشكلة المكان حلو وياريت نبطل المظاهرات الواقفة عايزين نلف مصر بالمظاهرات مش نفضل واقفين يروح الامن محاصرنا والناس تقف تتفرج علي شوية حنجراتية ربنا معانا اه صحيح ماتنسوش تدعولي عشان انا بامتحن سلاموا عليكوا

مافيش فايدة

احب ارد على الاخ الزميل اللى بيقول عشان نتغير لازم نغير الحكومه ...؟ واقوله لا علشان تتغير لازم رأس الافعى تقطع، الحكومة ما هى الا قطع شطرنج يحركها رأس الافعى ولا تستطيع على معارضته ورأس الآفعى أيضا ما هو الا قطعة شطرنج فى يد غيره ( اسرائيل وامريكا بالطبع ) اخوانى البلد دى حالها مش هايتعدل الا اذا الشعب اتحرك ونفض عن كاهله السلبيه والخنوع والخوف اللى عايشين فيها الواحد لما بيشوف مظاهرات بتخلع حكومات بره بيجيلوا حسرة ما فيش حل غير العصبان المدنى والبلد كلها تطلع تعتصم على اللى بيحصل ده( بحلم صح ؟) لقد فاض الكيل وطفح ولم يعد هناك من امل فى من بيدهم الحكم لازم يتكنسواويتحاكموا كلهم امتى نشوف اليوم ده

فى ذكرى 18 و 19 يناير عايزين نعملها تانى سوا .. الظروف اليومين دول شبه 18 و19 يناير من 30 سنه ياااااه .. مرت السنين وزادت المظالم تصوروا الناس زمان هاجيت وماجدت علشان رغيف العيش زاد 5 مليم النهارده كل حاجة غاليه البصل واللحمه والخضار والموصلات والروس الخصوصيه والعلاج كله بقئ ناررررر الحاجه الوحيده الرخيصة فى البلد دى_ واللى على قد الفقير _ هى الموت. تقدر تموت يا فقير إما غرقان فى العبارات .. ولا محروق فى القطارات ..ولا مسموم من المياه الملوثه.. ولا متسرطن من الخوخ والمشمش والعنب .. العنب .. العنب ..العنب . ياشعب قوم.. وفكر وما ترجعش تنام تانى قوم وخد حقك من اللى سارقينك وناهبينك وبيضحكوا عليك ويقولوااحنا بنعمل لـمحدود الدخل قال !!

إحتفلت الحركة المصرية من أجل التغيير (كفايه) بعامها الثانى وأنا أرجو ألا نسعد كثيرا بهذا الإحتفال الذى إن دل ظاهريا فإنما يدل على إستمرار الحركه وصمودها عذرا ولكن الأمر الحقيقى لا يدعو للإحتفال ولكنه يدعو للحزن والأسى حقا إننى حزين فلم أكن أتصور أن تلك الحركه التى بدأت قوية وشامخه ووضع عليها الشعب المصرى آمالا عريضه هى الآن ليست سوى حركه للمقالات والبيانات الغير رنانه والتظاهرات الهزيله الباهته التى لم تعد تمثل حركة دفع لدماء الشارع المصرى كما كانت من قبل. فلينظر قادة الحركه الآن بواقعية لتأثيرهم فى الشارع المصرى بات لا يقارن بما كان عليه قبل عام ونصف , لقد أصبح مؤشر قوة الحركة وتأثيرها فى الشارع المصرى فى إنحدار مستمر ...لماذا؟ لأن قادة الحركه نسوا أو تناسوا أنها فى الأساس حركة شعبية أى أن قوتها لم تأتى إلا بإلتفاف الشعب حولها وإندماجه فيها , ولكن ماحدث هو أنها أصبحت حزبا كارتونيا جديدا ولكنه متكلم بعض الشىء أحبائى قادة حركة كفاية أنتم من وضعتم أنفسكم فى مقدمة الصف فإما أن نكون أو لا نكون , أعذرونى لقسوة كلماتى عليكم ولكن الأمر بات أقسى من كلماتى , فلنتعلم معا الدرس : كفاية حركة شعبية وليست حكرا لأحد. إن أردتم مساعدة الشعب فعليكم أن تستعينوا بالشعب. أهم ما يجب تحقيقه تدريجيا هو زيادة عدد المتظاهرين كل مره عن سابقتها. لن يتحرك الشعب خلف أحد إلا لو طلب منه أن يتحرك فلا تخجلوا أن تطلبوا ذلك وعلينا أن نلبى النداء. إذا كان الطاغيه يتحكم فى جهاز الإعلام فلتجدوا كل الوسائل الممكنة للتواصل مع الشعب وإلا فسيبقى الطاغية أقرب إلى الشعب منكم رغم ظلمه وفساده. وأخيرا / 18يناير 1977 _ ثلاثون عاما مضت على تلك الحركة الشعبية العظيمة ضد إنتهاك لحق من حقوق الشعب . واليوم بعد أن باتت كل الحقوق منتهكة أتعتقدون أن الشعب لن يتحرك لا والله هذا الشعب لا ينتظر سوى من يرسم له الطريق وينظم صفوفه ويقوده نحو الخلاص . إن لم يكن هذا دوركم اليوم فهو دور من إذن ؟!! إن لم تكن إنتفاضة ...فأخبرونى بالله عليكم ماذا تريدون ؟!!!!!!

لازم نتستمر في الكفاح ونحافظ على الاتحاد بين جميع فئات المعارضة وأكيد ربنا ح ينصرنا عن قريب ونقدر نزيح أسرة مبارك وأعوانهم وتتخلص مصر من الفساد والاستبداد - إن شاء الله

هما السادة الاداريون امن دولة!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

للمرة الثانية لا ينشر تعليقى اية الحكاية؟؟؟اين تعليقى امس على مظاهرة 18 يناير 0

انتوا عارفين المثل اللى بيقول " الكلاب تعوى و القافلة تسير " اهى الحكومة بتاعتنا بتعتبرنا كلاب بتعوى ( يعنى بتهوهو ) و القافلة ( قافلة الفساد ) بتسير. يبقى الحل ايه ؟ نبطل نهوهو و نعضهم علشان يحسوا بينا و يوقفوا مسيرة القافلة ؟ إحتمال ؟

أقترح توجيه نداء إلى الشعب المصرى مطالبين بالامتناع عن شراء بعض السلع لمدة محددة، ولتكن إسيوع لكل سلعة، فمثلا الامتناع عن شراء اللحوم لمدة اسبوع، ثم الامتناع عن شراء الدواجن لمدة الاسبوع التالى وهكذا، ويمكن توجيه هذا النداء عبر كل وسائل الاعلام، فكل المصريين المقتدرين والفقراء يعانون من غلاء الاسعار فى كل شئ. هذه ليست مشكلة الحكومة وحدها، وإنما مشكلة شعب تعود على عدم الرفض فيما يقدم له، وتعودنا أيضا على التكيف مع الظروف، ولا توجد لدبنا ثقافة تكييف الظروف لصاخ الكل، وأعتقد أن الحكومة ستدعم هذه الفكرة، لانها إحدى الطرق التى تساير اليات السوق من عرض وطلب. ولنبدأ هذه الخطوة (إذا نالت قبولكم) يوم 17/1/2007، والله الموفق. مصرى

الواحد موش عارف ليه افتكر مظاهرات الكرك بالأردن والي اتسمت "انتفاضة الخبز" زرت المدينة دي من 3سنين تقريبا و الحال لا يسر ومع ذلك لم تخرج مظاهرات اخرى طلبا للخبز! الحال ف مصر برضه عاوز تفكير كل شيء بيغلى قوي قوي ومافيش تحرك حقيقي التوم مثلاً بقى بعشرة جنيه عامة: ياريت كل واحد منكم يجيب معاه ف المظاهرة رغيف عيش من ابو خمسة ساغ من الفرن، ده لو في افران لسه في المناطق اللي ساكنين فيها أنا شخصيا الفرن الحكومي الوحيد الأقرب لينا لازم ناخد له مواصلتين واحنا بتشتري عيش من ابو ريال الرغيف وساعات بنتشتري عيش تاني ف أكياس كبيرة برضه الرغيف بيقف علينا بربع جنيه واحنا قررنا نقاطع العيش من زمان وبناكل عيش سن رغم انه برضه غالي !

عشان نتغير لازم نغير الحكومه ...؟

تحياتى لكل من فكر فىى هذة المظاهرة لقد ناديت كثيرا بتخصيص عدت مظاهرات من اجل الغلاء الجنونى للاسعار وهذا هواهم موصوع فىى حيات اى مواطن بسيط بل هو الهم والنكد اليومى لاكثر من 90 %من الشعب المصرى المطحون من هنا كانت سعادتى بهذا القرار واعتقد ان هذة الخطوة ستجعل الشعب يلتحم بنا ولن يكتفى بلفرجة علينا كما يفعل الان لان المواطن البسيط لايعنية التعدلات الدستورية ولاسقوطالنظام ولكن يعنية اولالقمة العيش التى لم يعد يجدها ولن يجدها الا بثورة نعم فلتكن ثورة الجياع ...والعاطلين ,,,,ويااهلا بالمعارك ....وعاشت كفاية حرة ابية ....عاشت الحركة المصرية الشعبية..الشعبيةواخدين بالكم عشان يبطلوا يقولوا علينا اننا حركة نخبوية....وكفاية كدة النهاردة..واحلى كلمة قالها الشرقاوى فعلا..يابلدنا لاتنامى

الغربة لم يعد لها ثمن فى ظل التضخم والإرتفاع الجنونى فى الأسعار حيث أعمل محاسب بالسعودية منذ عام وراتبى محلك سر ولا تدرون كم دفعت حتى أهرب من مصر وأحصل على فيزة سائق بالسعودية بعد أن ظللت آخر سنتين تقريبًا بدون عمل والأسعار فى مصر تزيد بما يلتهم فرق العملة بين مصر والسعودية مما يستوجب على البقاء فى السعودية مدة لا تقل عن سنتين أخرتين حتى أدبر مصاريف زواجى بعد أن شارفت على السادسة من بعد الثلاثين بما يعنى أن غربتنا النفسية والمكانية لم يعد لها ثمن مجزى سواء داخل مصر أو خارج مصر

يابلدنا لا تنامي

سيتم تحديد المكان والتوقيت في تنسيقية كفاية ليوم الأربعاء 27-12

فين والساعه كام

انا معاكوا و كل المصريين الغلابه معاكوا بس ياريت مزيد من التفاصيل يعني المكان فين و من الساعه كام................... شكرا

عايز انضم عايز انضم بس ياريت بابا مبارك مايسمهاش تظاهرة الحرامية زي السادات ماسمها من 30 سن انتفاضة الحرامية ههههههههه