ياللا بشاير المهزلة من قبل ما الاستفتاء يبدأ اصلا!!!!!!!! .. .. .. .. .. .. .. .. .. وكمان : - 10 آلاف كرتونة (حلاوة المولد) لكل قرية على حساب الشباب والرياضة - وجبات مجانية والإعفاء شهرًا من مصاريف المدينة الجامعية بحلوان - العمل لمدة نصف يوم ووجبة غذائية و25 جنيهًا بالمصانع الحربية - ربط الحضور والانصراف بالذهاب للاستفتاء في الوحدات المحلية والقروية

أعتقد أن مجرد المشاركه والتوجه الى صناديق الاستفتاء شئنا أو أبينا ستكون اعتراف ضمنى بشرعية عملية الاستفتاء فلو توجه 2% فقط من اللذين لهم حق التصويت إلى صناديق الاستفتاء سيخرجون علينا في وسائل الاعلام الحكوميه ويقولون إن نسبة الاقبال قد تجاوزت 50% ولكن إذا لم يذهب أحد إلى الاستفتاء لخلعنا الشرعية عن نظام ( ال مبارك ) الغير شرعي فالبلد أقصد العزبه عزبتهم والدستور دستورهم والامن المركزي بتاعهم وبراحتهم يعملوا كل ال هم عايزينه طالما لم يصل الكبت بالشعب المصري إلى مرحلة الانفجار بعد وعندها سيكون لكل حادث حديث

ليه كل ده بيحصل ليه هيا مصر تستاهل من الناس دى اللى هما بيعمبوه فيها هيا مش الناس دى مصريين زينا ليه بيعملوا كده اذا كانوا فعلا شربوا من النيل ده ومشيوا على الأرض دى لييه بيعملوا فينا كده انا وشخصى الضعيف جدا بعرفهم انهم ليهم نهايه اذا كان دلوقتى السائد فى المجتمع ده السلبيه فلازم هيجى يوم الناس دى تحس بمصر والله مصر اللى ادتنا كتير والكتير ده هما خادوه مننا خدوا ارواحنا يا ما غرقوها او حرقوها او سمموها او لوثوها المهم انهم خدوا مننا شىء غالى ولازم هيجى عليهم يوم ونسترد منهم كل ده احنا مصريين انا فى موضوع المقاطعه كان ليا رأى هوة ان المقاطعه شىء سلبى _ كان رأى من فتره _ مادعا دلوقتى لو فعلا كل مصرى اتحرك ووقف قدام كل لجنه بس مجرد شاهد على سرقه مصر مننا يبقى دة مش شىء سلبى اه لازم نقاطع بس منقعدش فى بيوتنا أخوكم المصرى

انا ضد الاحزاب الدينية و ضد فكر الاخوان المسلمين على طول الخط و اللى بياكد كلامى انهم اصحاب مطامع فى لسلطةو لو وصلوا هايبقوا العن من اللى موجود او اللى هاييجى و هما بتوع فرقعة كلام فارغ ملوش لازمة و تاكيدا على كل ما قلته انهم بيقاطعوا مع العلم انهم عندهم قوة تصويتي كبيرة جدا تعادل الكتله الموجودة فى الحزب الحاكم يعنى لو عاوزين يكون ليهم دور هايكون ليهم دور و كمان دور مؤثر انا مع اراى اللى بيقول ان الاخوان باعوا ايمن نور و المرشحين اللى كانوا معاه للحكومة عشان كراسى مجلس الشعب تقدروا تقولوا لى حاجة واحدة عملوها بتوع الاخوان تحت القبة المحصنة غير انهم فضحونا و خلونا نحس اننا متخلفين عقليا و زمنيا المقاطعو عمرها ما كانت حل و مافيش حد هايرضى يمضى على ورقة بانه رافض للتعديلات الحل اننا نكون فى المواعيد اما الصناديق و بنقول لا و بعد ما نقول كلمتنا نقف بقى و لا نقعد فى ميدان التحرير بس منسبش اى فرصة ممكن نقول بيها لا

الحق ان الموقف السلبى الذى اتخذتموه وجماعة الاخوان المسلمون بمقاطعة الاستفتاء لا يعجبنى كنت اتمنى ان تدفعوا انصاركم للرفض وكمذلك يفعل الاخوان وتنشط منظمات حقوق الانسان راصدة لنزاهة ذلك الاستفتاء وتقبلوا التحية

كنت أتمني لو يتم إجراء استفتاء سريع لرأي أعضاء الحركة علي الموقع حول الموقف من الاستفتاء

 

لم لا ندعو الناس للمشاركة و الرفض

ما جدوي دعوة الناس للمقاطعة و مقاطعتهم للسياسة هي الحالة الأصلية و لا تحتاج لدعوات

 

أظن أن أي حركة تغيير ديمقراطي تبدأ بدعوة الناس للاهتمام و الإيجابية و التعود علي زيارة لجان الانتخاب و الاهتمام بصندوق الانتخاب

 

 

http://mabadali.blogspot.com/

الدكتور عبد الوهاب المسيري احنا جربنا الاعتصمات كتير وما جبتش نتيجة هايجي في الميدان 100 200 1000 هما هيجيبوا 10000 عسكري ويمنعوا الناس واذا قاطعنا هم اللي هيستفيدوا ويقولو بركه ياجامع ليه كل الأحزاب والأخوان والوفد والناس الطيبين والشرفاء ما نعملش استفتاء صحيح ونسأل الناس في الشارع والمصنع والجامعه عن رايهم في التعديلات البطيخي ويبقى فيه واحد في كل شارع وكل قريه وياخد توقيعات الناس اللي رفضه التعديلات وبدل ما نقول للناس خليكم في بيوتكم نقول لهم انزلوا قولوا لا ولكن في الشارع ومش عند الحكومة المزورة علشان نفضحهم

اجل

ما قام به أعضاء مجلس الشعب من موافقة علي تعديلات دستورية يعتبر "دعـارة سـياسـية " بكل ما تحتوية هذه الكلمة من إسفاف وتدني في لغة الخطاب. لا استطيع أن أتخيل أنهم -- أقصد -- أعضاء مجلس الشعب -- مصريون مثلي ومثلك -- لا يمكن ان يكونوا إلا حثالة مجتمع أفـرزهم نظام نـخـر فيه السوس حني النخاع -- نعم هم "زبالة" القوم --نعم هؤلاء في أذانهم وقرا-- ولن يستمعوا إلي قول رشيد لأن ليس فيهم رجل رشيد -- إنني أطالب بمحاكمة كل هؤلاء الأعضاء-- التي تستحق البتر --بتهمة خيانة الأمانة - وهم قد خانوا الامانه من أول يوم بعد انتخابات مجلس الشعب -- عندما تحولوا من مستقلين اخذوا صوتي وصوتك علي هذا الأساس ثم هرولوا إلي حزب الخراب الوطني لينعموا بذهب وأموال مصر وأموال الفقراء من هذا الشعب. أطالب بمحاكمة فتحي المغرور الشهير بسرور بتهمة " إفساد الحياة السياسية المصرية علي مرور ربع قرن من الزمان. أطالب بمحاكمة رأس الدولة المصرية -- ولن استطيع سرد التـهــم الموجهة لـسـيـادته -- "فـهـم كـثـر"- كما أطالب بمحاكمه الشعب المصري – وأنا أولهم -- بتهمة الخنوع وتعريض" أمنا" كلنا "مصر " للدعارة السياسية -- ان يفعل فيها وبـها الفاحشة علي مرآي ومسمع من 72 مليون -- ينتهك عرضنا كلنا علي فراش مبارك وغيره من حاشيته دون أن نحرك ساكننا-- غير -- الكتابة من خلال المنتديات مع عدم إنكاري للفعل والأثر الطيب البطيء الذي تتركه للحظات معدودة في نفس مثقلة بأعباء تنوء بها العصبة أولي القوة ز أطالب بمحاكمة "القضاة" كلهم لتقاعسهم عن القيام بمحاكمه مبارك وعصابته وانشغالهم بهمهم الشخصي الفئوي من تحصيل مغانم واستثناءات فئوية لزيادة رصيدهم من أموال علي حساب الشعب الفقير المهان -- ويا أخوتي في الله -- أذكركم إن أول من اخترع التوريث في مصر كانوا "القضاة" بتوريث أبناءهم الوظائف القضائية لأبنائهم. هؤلاء هم أول من باعوا الشرقاوي ومالك عندما تضامنوا مع القضاة سابقا لا خير في كثير من نجواهم -- أقصد القضاة -- إلا من أمر بثورة شعبية لا تبقي علي الأرض من الظالمين ديارا