زمان و انا قلبى حنين
وموتور دماغى بيليـّن
صدقت إنى مش بشتغلنى
وان الطريق مفتوح وهين

تلاتين سنه طالع نازل
على كل سلم بتنازل
عن حاجه حلوه ف كيانى
لحد ما بنوا لى العازل

تلاتين سنه من عمرى الحى
عمر الأمانى وعمر الضى
راحوا ف عمايا
والجوع ورايا
خبوا الضحايا البُبـُع جى

على بطنى رابط حزاماتى
مدايننى حتى الجزماتى
بعت الكنب الاسطمبولى
وعايشها فـُلى حلمبولى
أنا وعيالى و مراتى

تلاتين سنه بمشى على السلك
و الوحش ساكن بيتى الملك
وحش ابن هرمه
دماغه صرمه

 

قصيده للشاعر الكبير خميس عز العرب